ධීවර සංවර්ධන අංශය
ශ්‍රී ලංකාවේ ධීවර සංවර්ධනය තිරසාර ධීවර පිළිවෙත් ප්‍රවර්ධනය කිරීම සහ පසු අස්වනු හැසිරවීමේ සහ සැකසුම් ක්‍රම වැඩිදියුණු කිරීම කෙරෙහි අවධානය යොමු කර ඇත. ධීවර ක්ෂේත්‍රය නවීකරණය කිරීම, ඵලදායිතාව ඉහළ නැංවීම සහ ධීවර ප්‍රජාවගේ ආදායම් අවස්ථා ඉහළ නැංවීම සඳහා රජය විවිධ වැඩසටහන් ක්‍රියාත්මක කර ඇත. ශ්‍රී ලංකාව සිය සමුද්‍ර සම්පතේ දිගුකාලීන ශක්‍යතාව සහතික කිරීම සඳහා වගකිවයුතු සහ පරිසර හිතකාමී ධීවර භාවිතයන් සාක්ෂාත් කර ගැනීමට ද කටයුතු කරමින් සිටී. ධීවර හා ජලජ සම්පත් දෙපාර්තමේන්තුවෙහි සංවර්ධන අංශය ඉහත ක්‍රියාකාරකම් සිදුකිරීමේ වගකීම දරන අතර එම අංශයේ ප්‍රධාන කාර්යයන් පිළිබඳ විස්තර පහත දැක්වේ.
වගකීම සහ කාර්යභාරය
නවීන තාක්ෂණය ඔස්සේ ධීවර කර්මාන්තය දියුණු කිරීම.
ධීවර ජනතාව සඳහා විවිධ සංවර්ධන වැඩසටහන් ක්‍රියාත්මක කිරීම.
ධීවර බැංකු සහ ධීවර සමුපකාර සමිති වැඩසටහන් ක්‍රියාත්මක කිරීම සහ ජාතික මට්ටමින් ඒවා සම්බන්ධීකරණය සහ අධීක්ෂණය.
ධීවර යාත්‍රා නිෂ්පාදකයින් සහ ධීවර ආම්පන්න, යාත්‍රා එන්ජින්, ශීතකරණ පද්ධති, නාවික, සන්නිවේදන සහ ජීවිතාරක්ෂක උපකරණ ආනයනය කරන්නන් ලියාපදිංචි කිරීම සහ ඒවායේ මිල නියම කිරීම සහ එම බලපත්‍ර වාර්ෂිකව අලුත් කිරීම.
මසුන් ඇල්ලීම සඳහා භාවිතා කරන ධීවර යාත්‍රා සැලසුම්, සාගර එන්ජින්වල විවිධ නිෂ්පාදන සහ ආකෘති සහ අනෙකුත් උපකරණ අනුමත කිරීම.
ස්වභාවික විපත් හා අනතුරුවලින් විපතට පත් ධීවර පවුල්වල ජීවන තත්ත්වය නංවාලීම සඳහා වැඩසටහන් සකස් කිරීම.
සියලුම දිස්ත්‍රික් සහ ප්‍රාදේශීය ධීවර කාර්යාල අධීක්ෂණය.
විදේශ ආධාර අරමුදල් සහිත ව්‍යාපෘති පිළිබඳ පසු විපරම් ක්‍රියාමාර්ග.
විකල්ප ආදායම් උත්පාදන වැඩසටහන් ක්‍රියාත්මක කිරීම.
පසු අස්වනු හානි වැළැක්වීම සඳහා වැඩසටහන් ක්‍රියාත්මක කිරීම.
දෙපාර්තමේන්තු ක්‍රියාකාරකම් පිළිබඳ ක්‍රියාකාරී සැලැස්මක් සකස් කිරීම.
අංශයේ ව්‍යුහය
