එම අරමුණ සපුරා ගැනීම සඳහා පහත සඳහන් කාර්යයන් ඉටු කිරීම මෙම අංශය විසින් සිදු කරනු ලැබේ.

• ධීවර නීති සම්පාදනය හා ක්‍රියාත්මක කිරීම.
• ධීවර යාත්‍රා ලියාපදිංචිය.
• ධීවර යාත්‍රා උකස් කිරීම.
• ධීවර මෙහෙයුම් බලපත්‍ර නිකුත් කිරීම
• විදේශ ධීවර යාත්‍රා සඳහා මසුන් ගොඩබෑමේ බලපත්‍ර නිකුත් කිරීම.
• විසිතුරු මසුන් අපනයනය සඳහා බලපත්‍ර‍ නිකුත් කිරීම.
• මුහුදු කූඩැල්ලන් හා පොකිරිස්සන් ඇල්ලීම, සන්තකයේ තබා ගැනීම, ප්‍ර‍වාහනය හා අපනයනය සඳහා බලපත්‍ර‍ නිකුත් කිරීම.
• හක් බෙල්ලන්, බෙලි කටු හා මෝරවරල් ප්‍ර‍වාහනය හා අපනයනය සඳහා බලපත්‍ර‍ නිකුත් කිරීම.
• මාදැල් වරාය හා හිමිකරුවන් ලියාපදිංචි කිරීම හා අවසරපත්‍ර‍ නිකුත් කිරීම.
• ධීවර කාර්මිකයින් සඳහා හැදුනුම්පත් නිකුත් කිරීම.
• මුහුදේ අතරමං වූ හා විදේශ රටවල අත්අඩංගුවට පත් ධීවරයින් නිදහස් කර ගැනීම.
• ආපදාවන්ට පත්වන ධීවරයින්ගේ පවුල් වලට වියළි සලාක ලබා දීම.
• ධීවර කලමනාකරණ ප්‍රදේශ, ධීවර කමිටු හා අධිකාරි පිහිටුවීම එකී ආයතන මගින් ධීවර සංවර්ධන කළමනාකරණ සැලසුම් සම්පාදනය කරවීම හා ක්‍රියාත්මක කරවීම.
• තොටුපළ ධීවර සංවිධාන, තොටුපළ කළමනාකරණ කමිටු, ප්‍රාදේශීය ලේකම් කොට්ඨාශ / පළාත් කමිටු, ජාතික මට්ටමේ කමිටු පිහිටුවීම හා එම සංවිධාන ලවා ධීවර සංවර්ධන සැලසුම් සම්පාදනය හා ක්‍රියාත්ම‍ක කරවීම.
• බහුදින ධීවර යාත්‍රා නියමුවන් පුහුණු කරවීම.
• ධීවර කර්මාන්තය හා ප්‍රජාව පිළිබඳ දත්ත තොරතුරු එක්රැස් කිරීම හා විශ්ලේෂණය.
• ධීවර ආරවුල් විසඳීම.
• මහමුහුදේ ධීවර කර්මාන්තයේ යෙදෙන යාත්‍රාවල හිමිකරුවන්, නියමුවන් හා ගැනියන් සඳහා නීතිරීති හා කලාපීය ගිවිසුම්වලට අදාළ සම්මුතීන් පිළිබඳව දැනුවත් කිරීම.
• වෙරළබඩ ධීවර කර්මාන්තයේ යෙදෙන ධීවර කාර්මිකයින් හා යාත්‍රා හිමිකරුවන් වගකීමෙන් යුතු ධීවර කර්මාන්තයක් සඳහා වන ක්‍රමෝපායන් හා නීතිරීති පිළිබඳව දැනුවත් කිරීම.
• මහමුහුදේ හා වෙරළබඩ ධීවර කර්මාන්තයට අදාල නීතිරීති හා කලාපීය සම්මුතීන් පිළිබඳව ධීවර නිලධාරීන් හා අනෙකුත් අදාල පාර්ශ්වකරුවන් පුහුණු කිරීම හා දැනුවත් කිරීම.